काठमाडौं । रंगहरुको पर्व होली आज तराईका जिल्लामा सद्भाव र आत्मीयता साटासाट गरेर मनाईदै छ । बुधबार काठमाडौं उपत्यकासहित पहाडी जिल्लामा होली मनाइएको थियो ।
वसन्त ऋतुको आगमनको सुरुवातमा पर्ने फागु पर्व एकापसमा मैत्री भाव प्रकट गर्न सामूहिक रुपमा भेला भएर एक अर्कालाई रंग दलेर बनाउने गरिन्छ ।
सत्य युगमा विष्णुभक्त प्रह्लादलाई मार्नका लागि हिरण्यकश्यपले विभिन्न जाल बुन्दा पनि नसकेपछि आगोबाट नजल्ने र नमर्ने वरदान पाएकी बहिनी होलिकालाई प्रह्लादलाई काखमा लिएर आगोमा बस्न लगाउँदा प्रह्लादलाई केही नभएको तर होलीका आफै जलेर नष्ट भएको प्रसंग यस पर्वसँग जोडिएको छ ।
असत्यमाथि सत्यको विजय भएको यस घटनापछि होली मनाउन थालिएको धार्मिक विश्वास छ । होली पर्वलाई संयमित बनाउन सुरक्षा व्यवस्थासमेत कडा पारिएको छ ।
प्रकाशित मिति: बिहीबार, चैत ७, २०७५
-1732776560.jpg)
