महेन्द्रनगर । कञ्चनपुरकी बालिका निर्मला पन्तको बलात्कारपछि हत्या प्रकरणमा बर्खास्तगीमा परेका एसपी डिल्लीराज विष्ट अदालतमा उपस्थित भएका छन् ।
एसपी विष्ट मंगलबार बिहान जिल्ला अदालतमा हाजिर भएका हुन् ।
अदालतले एसपी विष्ट र डिएसपी अंगुर जीसीलाई अदालतमा हाजिर हुन सूचना जारी गरेको थियो । तर अदालतमा विष्ट मात्रै हाजिर भएका छन् ।
निर्मला हत्या प्रकरणमा अदालतले ६ जनालाई धरौटीमा रिहा गरेको थियो ।
तत्कालीन डिएसपी ज्ञानबहादुर सेठी, इन्स्पेक्टरहरु एकेन्द्र खड्का र जगदीशप्रसाद भट्ट, सईहरु हरिसिंह धामी र रामसिंह धामी तथा जवान चाँदनी साउदलाई धरौटीमा छाड्न अदालतले आदेश दिएको थियो ।
प्रकाशित मिति: मंगलबार, चैत ५, २०७५
-1732776560.jpg)
