७ चैत, काठमाडौँ । नेपाली फुटबलर सावित्रा भण्डारी र अनिता बस्नेतले मालदिभ्सको क्लबबाट खेल्ने भएका छन् । भण्डारी नेपाली महिला राष्ट्रिय फुटबल टिमकी स्ट्राइकर हुन भने बस्नेत मिडफिल्डर हुन । अर्को सोमबारदेखि सुरु हुने फुटसल च्याम्पियसिपमा उनीहरुलाई मालदिभ्स एयरपोर्ट कम्पनी लिमिटेडले अनुबन्ध गर्ने भएको हो । साफ च्याम्पियनसिपमा गरेको उत्कृष्ट प्रदर्शनका आधारमा उनीहरुलाई क्लबले अनुबन्ध गर्न चाहेको र त्यसका लागि सबैजसो प्रक्रिया पूरा भइसकेको अखिल नेपाल फुटबल संघ एन्फाका गोकुल थापाले जानकारी दिनुभयो । दुवै जनालाई क्लबले जनही १५ सय अमेरिकी डलर पारिश्रमिक दिनुका साथै खाने बस्ने र आवतजावतको खर्च ब्यहोर्नेछ ।
प्रकाशित मिति: आइतबार, चैत ६, २०७३
