काठमाडौं । ल्याब्रोटरी स्कुल र नेपाल पुलिस स्कुल नेपाल एपीफ स्कुल, कीर्तिपुरको आयोजनामा जारी छैठौँ नेपाल एपीफए स्कुल कप फुटबल प्रतियोगिताको सेमिफाइनलमा प्रवेश गरेका छन् ।
प्रतियोगिता अन्तर्गत शनिबार भएको पहिलो क्वाटरफाइनल खेलमा आयोजक नेपाल एपीएफ स्कुललाई २–० ले पराजित गर्दै ल्याब्रोटरी मा.वि. सेमिफाइनल पुग्न सफल भएको हो । ल्याब्रोटरीका रविन बम्जन तामाङ र निशान बुढाथोकीले १–१ गोल गरेका थिए ।
त्यसैगरी दोस्रो क्वाटरफाइनल खेलमा नेपाल पुलिस स्कुलले ब्र्राइट होराइजन चिल्ड्रेन होम स्कुललाई ४–१ को गोल अन्तरले पराजित गर्दै सेमिफाइनलमा स्थान पक्का गरेको छ । नेपाल पुलिस स्कुलका तर्फबाट सन्देश तामाङले ३ र ईशान राईले १ गोल गरेका थिए भने ब्र्राइट होराइजनका तर्फबाट गोराबहादुर ऐडीले सान्त्वना १ गोल गरेका थिए ।
यसका साथै क्वाटरफाइनल चरणका सम्पूर्ण खेल सम्पन्न भएका छन् । भने फागुन ५ गते सोमबार सेमिफाइनल चरणका खेल हुने नेपाल एपीएफ स्कुलका खेलकुद संयोजक राजकुमार प्याकुरेलले जानकारी दिए ।
पहिलो सेमिफाइनल खेल ग्रिन भिलेज एजुकेसन पmाउन्डेसन स्कुल र ल्याब्रोटरी माविबीच सोमबार बिहान १० बजे तथा दोस्रो खेल नेपाल पुलिस स्कुल र हारती शिक्षा मन्दिरबीच सोही दिन मध्याह्न १२ बजे हुने छ ।
प्रकाशित मिति: शनिबार, फागुन ३, २०७६ १५:४२
