च्याम्पियन्स लिग फुटबलमा जर्मन क्लब बायर्न म्युनिखले इंग्लिस क्लब टोटेनहम हस्टपरललाई लज्जास्पद हार चखाएको छ ।
बायर्नले घरेलु टोटेनहममाथि ७–२ को फराकिलो हार चखाएको हो । बायर्नको फराकिलो जितमा सर्जी जिनाब्रीले ह्याट्रिकसहति ४ गोल गरे । रोवर्ट लेवान्डोस्कीले दुई तथा जोसुवा किम्मिचले १ गोल गरे । टोटेनहमका ह्युङ मिन सन र ह्यारी केनले गोल गरे ।
टोटेनहमले शुरुवाती अग्रता जोगाउन नसक्दा लज्जास्पद हार बेहोरेको हो । खेलको १२औं मिनेटमा सनको गोलबाट घरेलु टोली टोटेनहमले खेलमा शुरुवाती अग्रता लिएको थियो । त्यसको ३ मिनेटपछि जोसुवा किम्मिचले बराबरी गोल फर्काए । पहिलो हाफको इन्ज्युरी सममा रोवर्ट लेवान्डोस्कीले गोल गरेपछि बायर्नले पहिलो हाफमा २–१ अग्रता लिएको थियो ।
दोस्रो हाफमा बायर्नले ५ गोल थप्दा टोटेनहमले १ गोल गर्न मात्रै सफल भयो । दोस्रो हाफमा जिनाब्री चम्किए । बायर्र्नले उच्च प्रदर्शन गर्दा टोटेनहम निरिह बनेको थियो । ५३औं मिनेटमा सर्जी जिनाब्रीले गोल गर्दै बायर्नलाई ३–१ को स्थितिमा पु¥याए । त्यसको दुई मिनेटपछि नै जिनाब्रीले व्यक्तिगत दोस्रो गोल गरेपछि बायर्न ४–१ ले अघि बढ्यो ।
६१औं मिनेमा केनले पेनाल्टीमा गोल गर्दै टोटेनहमलाई खेलमा फर्काउने संकेत दिएका थिए । तर, त्यसपछि टोटेनहम झनै निरिह बन्यो । ६ मिनेटको अन्तरमा बायर्नले ३ गोल गर्दै टोटेनहमलाई लज्जास्पद हार चखाए । ८३औं मिनेटमा विनाब्रीले ह्याट्रिक पुरा गरे । जिनाव्रीको गोल गर्ने क्रम अझै रोकिएन । ८७औं मिनेटमा अर्काे गोल गरे । ८८औं मिनेटमा लेवान्डोस्कीले गोल गर्दै बायर्नलाई फराकिलो जित दिलाए ।
जितसँगै समुह ‘बी’ मा बायर्नले ६ अंक जोड्दै शीर्षस्थानमा रहेको छ । टोटेनहम १ अंकसहित पुछारमा छ । यही समूहको अर्काे खेलमा सर्वियन रेड स्टार बेलग्रेडले ग्रीसको ओलम्पियाकोसलाई ३–१ ले पराजित गरेको छ । जितसँगै रेडस्टार ३ अंक जोडेर दोस्रो स्थानमा छ । १ अंकसहित रेडस्टार तेस्रो स्थानमा छ ।
प्रकाशित मिति: बुधबार, असोज १५, २०७६ ०१:०८
