६ चैत, काठमाडौँ । कुमारी बैंक लिमिटेडले आइतबारदेखि २ बराबर १ (२ः१) अनुपातमा हकप्रद शेयर निष्कासन गरेकोे छ । बैंकको हकप्रद शेयर निष्कासन बन्द हुने मिति भने २०७४ साल वैशाख १० गतेसम्म रहेको छ । बैंककोे शेयरधनीका लागि प्रति शेयर एक सय अंकित दरको १ करोड ३४ लाख ९५ हजार ८ सय ३२ दशमलव ६६ कित्ता हकप्रद शेयर निष्कासन गरेको हो । बैंकको फागुन १८ गतेसम्म शेयर किन्ने वा शेयर स्वामित्व हुने शेयरधनीहरुले शेयरमा खरीदको लागि आवेदन दिन सक्नेछन् । हकप्रद शेयर खरीदका लागि बैंकको सेयर निष्कासन तथा विक्री प्रबन्धक सिद्धार्थ क्यापिटल लिमिटेड रहेको छ । कुमारी बैंकको सम्पूर्ण शाखा कार्यालयहरुबाट हकप्रद शेयर खरीद तथा आवेदन बुझाउन सकिन्छ । बैङ्कको हालको चुक्ता पूँजी रू. २ अर्ब ६९ करोड ९१ लाख ६६ हजार ५ सय ३१ रहेको छ । बैंकको हकप्रद सेयर निष्कासन तथा बाँडफाँटपछि बैंकको चुक्ता पूँजी रू. ४ अर्ब ४ करोड ८७ लाख ४९ हजार ७ सय ९७ दशमलव ४० पुग्नेछ ।
प्रकाशित मिति: शनिबार, चैत ५, २०७३
