काठमाडौं । अस्पतालमा ११ जना नवजात शिशुहरुको मृत्यु भएपछि ट्युनिसियाका स्वास्थ्यमन्त्रीले राजीनामा दिएका छन् ।
राजधानी ट्युनिसमा रहेको अस्पतालमा नै ११ जना शिशुको मार्च ७ र ८ तारिखमा सेप्टिक शकका कारण मृत्यु भएपछि स्वास्थ्यमन्त्री एबडरोफ चेरिफले राजीनामा दिएका हुन् ।
ट्युनिसियाको पेडियाट्रिक सोसाइटले अस्पतालमा संक्रमणको कारण शिशुको मृत्यु भएको हुनसक्ने जनाएको छ ।
प्रधानमन्त्री युसुफ चाहेडले औषधिलगायतका स्वास्थ्य उपकरण, सरकारी अस्पतालको सेवा र सरसफाइको विषयमा अनुसन्धान गरिएको जानकारी दिएका छन् ।
ट्युनिसियाको सार्वजनिक स्वास्थ्य सेवा उत्तरी अफ्रिकामै उत्कृष्ट चिकित्सा क्षेत्र राजश्वको एक प्रमुख स्रोत पनि मानिन्छ । तर सन् २०११ मा राष्ट्रपति जिन अल अबिदिनको सत्ताच्युत भएपछि स्वास्थ्य सेवा प्रभावित हुँदै आएको छ ।
प्रकाशित मिति: आइतबार, फागुन २६, २०७५
-1732776560.jpg)
