प्योङयाङ । उत्तर कोरियाले पुनः रकेट परीक्षणस्थलको निर्माण गर्न सुरु गरेको स्याटेलाइट तस्बिर सार्वजनिक भएका छन् । यी तस्बिरहरु अमेरिकी राष्ट्रपति डोनाल्ड ट्रम्पसँगको दुई दिने शिखरवार्ता असफल भएको दुई दिनपछि लिइएको विश्लेशकहरुले बताएका छन् ।
उत्तर कोरियाको टोङ्गचाङ–री क्षेत्र स्योलाईट र इन्जिन परीक्षणका लागि प्रयोग गरिएको थियो । सो क्षेत्रमा यसअघि ब्यालिस्टिक क्षेप्यास्त्र परीक्षणका लागि भने प्रयोग गरिएको थिएन । गत वर्ष अमेरिकी राष्ट्रपतिसँग शिखरवार्ता तय भएपछि उत्तर कोरियाले परमाणु परीक्षणस्थल नष्ट गरेको थियो ।
तर निशस्त्रीकरण र अमेरिकी प्रतिबन्ध हटाउने विषयमा सहमति नभएपछि गत फेब्रुअरीमा भएको दुई नेताबीचको शिखर बैठकमा कुनै सम्झौता हुन सकेन ।
प्रकाशित मिति: बुधबार, फागुन २२, २०७५
-1732776560.jpg)
