बेइजिङ । चीनले सन् २०१९ का लागि आफ्नो रक्षा बजेटमा ७.५ प्रतिशत वृद्धि गरेको छ ।
चीनको नेशनल पिपुल्स कंग्रेस (एनपीसी) को वार्षिक सत्रमा पेश गरिएको बजेटमा यो वृद्धिको प्रस्ताव गरिएको छ ।
सन् २०१९ का लागि चीनले १.१९ लाख करोड युआन अर्थात करिब १७७.६१ अरब डलरको प्रतिरक्षा बजेट पेश गरिएको हो ।
यद्यपि सरकारले यसपटक रक्षा बजेटमा धेरै कम वृद्धि गर्न लागिएको जनाएको छ । चीनले गत वर्ष रक्षा बजेटमा ८.१ प्रतिशत वृद्धि गरेको थियो । १३ औं एनपीसीका प्रवक्ता झांग येशुईले यो रक्षा बजेट राष्ट्रिय सम्प्रभूता, सुरक्षा र क्षेत्रीय अखण्डताको रक्षाका लागि भएको र कसैप्रति खतरा पैदा गर्ने लक्ष्यबाट नगरिएको स्पष्ट पारेका छन् ।
उनले चीन शान्तिपूर्ण विकासको मार्गमा नै रहने र रक्षात्मक प्रकृतिको रक्षा नीति अलम्बन गरिने बताए । उनले कुनै देशका लागि कोही सैन्य खतरा हो या होइन भन्ने कुरा उसको रक्षा बजेटबा तय नहुने पनि उल्लेख गरे ।
करिब पाँच वर्षसम्म दोहोरो अंकको वृद्धिपछि चीनले सन् २०१६ मा आफ्नो रक्षा बजेटमा एक अंकको वृद्धि गरेको थियो । सन् २०१६ मा प्रतिरक्षा बजेट ७.६ प्रतिशत, २०१७ मा ७ प्रतिशत र सन् २०१८ मा ८.१ प्रतिशत वृद्धि गरेको थियो ।
केही ठूला देशले जीडीपीको २ प्रतिशत सम्म रक्षा बजेटमा खर्च गरिरहेका छन् । तर सन् २०१८ मा चीनले जीडीपीको १.३ प्रतिशत मात्रै रक्षा बजेटमा खर्च गरेको थियो ।
सन् २०१८ मा चीनको रक्षा बजेट १७५ अबर लडरको थियो । जुन भारतको रक्षा बजेटको करिब तीन गुणाा हो ।
प्रकाशित मिति: मंगलबार, फागुन २१, २०७५
-1732776560.jpg)
