हनोई । अमेरिकी राष्ट्रपति डोनाल्ड ट्रम्प र उत्तर कोरियाली नेता किम जोङ उनबीच भियतनामको हनोईमा दोस्रो शिखर वार्ता चलिरहेको छ ।
शिखर वार्तामा दुई नेताबीच उत्तर कोरियाको परमाणु कार्यक्रम परित्याग र अमेरिकाले लगाइरहेको प्रतिबन्ध हटाउने विषयमा केन्द्रित रहेको छ ।
गत वर्ष १२ जुनमा सिंगापुरमा भएको पहिलो शिखर वार्ताको निरन्तरतास्वरुप दोस्रो शिखरवार्ता भएको हो । यो शिखरवार्तामा निरस्त्रीकरण योजनामा प्रगति हुने अपेक्षा गरिएको छ ।
वार्ताअघि सम्म किमले आफूहरुलाई कुनै हतार नरहेकोले उचित समयमा सम्झौता गर्ने बताएका थिए ।
दुई नेताहरूले कसरी कोरियाली प्रायस्द्वीपबाट परमाणुअस्त्र हटाउने भनेर एउटा मार्गचित्रबारे छलफल गर्ने अपेक्षा गरिएको छ । उनीहरूले कोरियाली युद्ध समाप्त भएको घोषणा गर्ने वा दुई देशमा सम्पर्ककार्यालय स्थापनाको घोषणा गर्ने सम्भावना पनि रहेको छ ।
आफूविरुद्ध लागेको आर्थिक नाकाबन्दी हटाउन उत्तर कोरियाले पहिला निस्शर्त परमाणुअस्त्र परित्याग गर्नुपर्ने धारणा अमेरिकाले राख्दै आएपछि उत्तर कोरियाले यसमा सहमत हुन नसकिने उल्लेख गरेको छ ।
प्रकाशित मिति: बिहीबार, फागुन १६, २०७५
-1732776560.jpg)
