उत्तराखण्डको राजधानी देहरादूनमा छक्का र चौकाको बर्षा हुँदा अन्तराष्ट्रिय टी–२० क्रिकेटमा केही ठूला विश्व रेकर्ड कायम भएका छन् ।
आयरल्यान्ड र अफगानिस्तानबीचको यो खेल सुरु हुनुअघि त्यतिधेरै चर्चामा पनि थिएन । तर, जब खेल सकियो, अनि सुरु भयो यसको चर्चा । यो चर्चाका पछि हजरतुल्लाह जजाईको हात रह्यो ।
अफगानिस्तानले पहिलो ब्याटिङ गर्दै टी–२० इतिहासकै सबैभन्दा ठूलो स्कोर खडा ग¥यो र अफगान टोलीले २० ओभरमा तीन विकेट गुमाएर २७८ रन बानायो । यसअघि टी–२० का सबैभन्दा धेरै रन बनाएको रेकर्ड अस्ट्रेलियाको नाममा थियो । अस्ट्रेलियाले सन् २०१६ मा श्रीलंकाविरुद्ध तीन विकेट गुमाएर २६३ रन बनाएको थियो ।
अफगानिस्तानका ब्याट्सम्यान हजरतुल्लाह जजाईले आक्रामक ब्याटिङ गर्दै १६२ रन बनाए । उनले ४४ बलमा शतक पूरा गरेका थिए । यस्तै उनले बनाएको १६२ रन टी–२० क्रिकेटमा कुनै पनि ब्याट्सम्यानले बनाएको दोस्रो सर्वाधिक ठूलो व्यक्तिगत स्कोर पनि हो ।
अस्ट्रेलियाका आरोन फिन्चले टी–२० मा सबैभन्दा बढी रन १७२ रन बनाएका छन् । अफगानिस्तानका लागि ओपनिङमा आएका उनले उस्मान गनसँग मिलेर पहिलो विकेटका लागि २३६ रनको साझेदारी गरे । यो टी–२० क्रिकेमा कुनै विकेटका लागि भएको सबैभन्दा ठूलो साझेदारी हो । यो साझेदारीमा उस्मानले ७३ रन जोडे । यी दुई जनाले सन् २०१६ मा आईपीएल क्रिकेटमा विराट कोहली र एबी डिभिलियर्सले बनाएको २२९ रनको ठूलो साझेदारीको रेकर्ड समेत तोडिदिएका छन् ।
बायाँ हाते ब्याट्सम्यान जजाईले ६२ बलको सामना गर्दा १६ छक्का र ११ चौका प्रहार गरे । कुनै पनि अन्तनर्राष्ट्रिय म्याचमा एक जना ब्याट्सम्यानले प्रहार गरेको यो सबैभन्दा बढी छक्का हो । यसअघि आरोन फिन्चले इंग्ल्यान्डविरुद्ध सन् २०१३ मा १४ छक्का प्रहार गरेका थिए ।
अफगानी ब्याट्सम्यानले इनिङका २० मध्ये तीन ओभरमा २० भन्दा बढी रन बटुले । जसमा सबैभन्दा बढी १७ औं ओभरमा २८ रन लिएका थिए । जुन ओभरमा जजाईले केभिन ओ ब्रायनविरुद्ध ४ छक्का प्रहार गरे । आक्रामक ब्याटिङ रोक्नका लागि आयरल्यान्डका कप्तान पल स्टर्लिङले २० ओभरमा ८ जना बलर प्रयोग गरे ।
जसमा दुई जना मात्रै बलरले चार ओभरको कोटा पूरा गरेका थिए । त्यस्तै कप्तान स्टर्लिङको इकोनोमी रेट नै सबैभन्दा महंगो बन्यो । उनले १ ओभर बलिङ गरे । जसमा उनले २४ रन दिए, चार बल त उनले वाइड फालेका थिए ।
आयरल्यान्डको जवाफ
बलरहरु नराम्ररी पिटिएपछि २७९ रनको बिशाल लक्ष्य पछ्याएको आयरल्यान्डले पनि राम्रो सुरुवात गरेको थियो । आयरल्यान्डका कप्तान स्टर्लिङले ५० बलमा ९१ रन बनाए । यो आयरल्यान्डले टी–२० मा खेलेको सबैभन्दा ठूलो पारी हो । आयरल्यान्डको पहिलो विकेट १२ औं ओभरको पाँचौं बलमा १२६ रनमा गुम्यो ।
आयरल्यान्डका तर्फबाट खेलिएको टी–२० मा यो सबैभन्दा ठूलो ओपनिङ साझेदारी हो । त्यसपछि अफगान बलर रसिद खानको कसिलो ब्याटिङको सामना आइरिस ब्याट्सम्यानहरुले गर्न सकेनन् र १९४ रनमा समेटियो र ८४ रनले पराजित भयो ।
रसिद खानले चार विकेट लिए । उनले चार ओभरमा ६.२५ को इकोनोमीमा २५ रन दिए । यो खेलमा दुवै पारीमा गरी बनेको ४७२ रनको स्कोर कुनै पनि अन्तर्राष्ट्रिय क्रिकेटमा बनेको तेस्रो ठूलो म्याच टोटल हो । यो सूभीमा सबैभन्दा माथि सन् २०१६ मा भारत र वेस्ट इन्डिजबीचको म्याच टोटल छ । जुन म्याचमा दुवै टोलीको मिलाएरु ४८९ रन बनेको थियो ।
प्रकाशित मिति: आइतबार, फागुन १२, २०७५
-1732776560.jpg)
