तेस्रो संस्करणको धनगढी प्रीमिएर लिग क्रिकेटको उपाधि भिडन्तमा महेन्द्रनगर युनाइटेडले सिवाइसी अत्तरियालाई १२४ रनको लक्ष्य दिएको छ ।
फाप्ला क्रिकेट मैदानमा जारी खेलमा टस जितेर पहिले ब्याटिङ गरेको महेन्द्रनगर निर्धारित २० ओभरमा १२३ रनमा अलआउट भयो । महेन्द्रनगर युनाइटेडले २० ओभरमा सबै विकेट गुमाउँदै १२३ रन बनाएपछि अत्तरियाले फाइनल जित्न १२४ रनको लक्ष्य पाएको हो।
महेन्द्रनगरका लागि दिलिप नाथले सर्वाधिक ४३ रनको इनिङ खेले। ४१ बलको सामना गरेका नाथले ५ चौंका र १ छक्का प्रहार गरे। कुशल मल्लले २२ बलमा १ चौंका र २ छक्काको सहायतामा २५ रनको योगदान दिए।
त्यस्तै रोहितकुमार पौडेलले २० बलमा १ चौंका र १ छक्काको मद्दतमा २४, आरिफ शेखले १७ बलमा ११ र मोहम्मद नभिदले ५ बलमा १० रन जोडे।
सुब्रमनियन आनन्द २ र अमरसिंह रौटेला १ रनमा आउट हुँदा कप्तान शरद भेषावकर, अभिनाश बोहोरा, सहाब आलम र सागर ढकाल शून्य रनमा पेवेलियन फर्किए।
अत्तरियाका लागि कप्तान दिपेन्द्रसिंह ऐरी र दिपेन्द्र रावतले समान २–२ विकेट लिए। ऐरीले ४ ओभरमा २४ रन खर्चिदा रावतले २ ओभरमा ११ रन दिए। त्यस्तै सन्नी पटेलले १ विकेट हात पारे।
ठमाडौं गोल्डेन्सले डिपिएल बहिष्कार गरेपछि महेन्द्रनगर दोस्रो क्वालिफायर्स नखेलि सोझै फाइनलमा पुगेको थियो ।
प्रकाशित मिति: शनिबार, फागुन ११, २०७५
-1732776560.jpg)
