न्युयोर्क । संयुक्त राष्ट्रसंघका पश्चिम एसिया दूतले हिंसा र अतिवाद बढिरहेका कारण इजरायल र प्यालेस्टाइनबीच शान्ति स्थापित हुने सम्भावना कम हुँदै गएको टिप्पणी गरेका छन् ।
उनले इजरायल र प्यालेस्टाइनबीच शान्तिको सम्भावना धूमिल हुँदै गइरहेको र युद्धको खतरा बढिरहेको उल्लेख गरेका छन् । पश्चिम एसिया दूत निकोलय म्लादेनोभले संयुक्त राष्ट्र संघ सुरक्षा परिषदमा द्विराष्ट्रको समाधानको विषय टाढा बन्दै गएको उल्लेख गरे ।
उनले भने, ‘सबैभन्दा पहिले परिवर्तनका लागि आवश्यक नेतृत्व एवं. राजनीतिक इच्छाशक्तिको आवश्यकता छ । जबसम्म यो इच्छाशक्ति पैदा हुँदैन, तबसम्म प्यालेस्टाइन र इजरायलबीच लगातार खतराको स्थितितर्फ अघि बढिरहन्छ ।’
म्लादेनोभले नेताहरुले शान्ति कायम गर्न वार्तामा भरोसा गर्न आग्रह गरे । उनले नेता र अन्तर्राष्ट्रिय समुदायलाई संयुक्त राष्ट्रसंघको प्रस्ताव तथा द्विपक्षीय सम्झौताको आधारमा शान्ति सम्झौता गर्न इजरायल र प्यालेस्टाइनलाई समर्थन गर्न प्रतिबद्ध हुनुपर्ने बताए ।
प्रकाशित मिति: बिहीबार, फागुन ९, २०७५
-1732776560.jpg)
