नाइजेरियाको दक्षिणी क्षेत्रमा आयोजित चुनावी र्यालीमा भएको भागदौडमा परी परी १५ व्यक्तिको मृत्यु भएको छ ।
मंगलबार भएको घटनामा परी मृत्यु हुनेको संख्या बढ्दै गएर बुधबार सम्ममा १५ पुगेको अस्पताल स्रोतले जानकारी दिएको छ ।
घाइतेहरूलाई उपचारका लागि लगिएको पोर्ट हारकोर्ट शिक्षण अस्पतालका प्रवक्ता केम डानिएल इलेबिगाले जारी गरेको वक्तव्यमा १५ जनाको मृत्यु भएको जानकारी दिइएको छ । मारिएका ३ पुरुष र १२ जना महिला रहेका पनि वक्तव्यमा उल्लेख छ ।
घटनामा परी घाइते भएकामध्ये १२ जनाको अस्पतालमा उपचार भइरहेको छ । ३ जनालाई भने उपचारपछि घर पठाइसकिएको अस्पताल स्रोतले जानकारी दिएको छ ।
रिभर्स राज्यको राजधानी पोर्ट हारकोर्टमा रहेको रंगशालामा मंगलबार भएको चुनावी र्यालीमा भागदौड भएको थियो । सत्तारुढ दल अल प्रोग्रेसिभ कङ्ग्रेस (एपीसी)का समर्थकहरूले राष्ट्रपति मोहम्मद बुहारीको समेत सहभागीतामा र्याली निकालेका थिए । एजेन्सी
प्रकाशित मिति: शुक्रबार, फागुन ३, २०७५
-1732776560.jpg)
