अमेरिकी उपराष्ट्रपति माइक पेन्सले लामो समयदेखि अमेरिकाको सहयोगीका रूपमा रहँदै आएका युरोपेली संघ आवद्ध मुलुकहरूलाई इरानसँग सन् २०१५ मा भएको आणविक सम्झौताबाट फिर्ता हुन बिहीबार आग्रह गरेका छन् ।
इजरायल तथा केही अरब नेताहरूको संलग्नता रहेको एक सम्मेलनलाई पोल्याण्डमा सम्बोधन गर्दै उनले अमेरिकाले इरानमाथि थप प्रतिबन्ध लगाउन चाहेको र अमेरिकाले उत्तर एटलान्टिक सन्धि संगठनमा अमेरिकाको पक्षमा रहेका सबै युरोपेली मुलुकहरूले इरानमाथिको प्रतिबन्धलाई समर्थन गर्दै आणविक सम्झौताबारे करिब ३ वर्ष पहिले अमेरिकी नेतृत्वमा भएको सम्झौताबाट फिर्ता हुन मध्यपूर्व तथा युरोप क्षेत्रका सहयोगीलाई आग्रह गरेका हुन् ।
युरोपेली शक्ति राष्ट्रहरू फ्रान्स, जर्मनी र बेलायतले इरानमा रहेका आफ्ना कम्पनीलाई काम गर्न दिन अमेरिकालाई गरेको आग्रहप्रति लक्षित गर्दै पेन्सको पछिल्लो भनाइ आएको हो ।
इरानलाई मजबुत पार्नेगरी आएको फ्रान्स, जर्मनी र बेलायत जस्ता मुलुकको मागले मध्यपूर्व तथा युरोप क्षेत्रको सुरक्षामा खतरा रहेको दाबी गर्दै इरानलाई कमजोर पार्न उसमाथि थप नाकाबन्दीको आवश्यकता रहेको उनको भनाइ थियो । एजेन्सी
-1732776560.jpg)
