काठमाडौं । एसियाली विकास बैंक (एडीबी) ले नेपाललाई ३९ अर्ब ३२ करोड आर्थिक सहायता उपलब्ध गराउने भएको छ ।
मंगलबार अर्थ मन्त्रालयमा आयोजित कार्यक्रममा अर्थसचिव डा. राजन खनाल र एडीबीका लागि नेपाल आवासीय मिसनका देशीय निर्देशक मुख्तोर खामुदखानोभबीच आर्थिक सहायता उपलब्ध गराउने समझदारी पत्रमा हस्ताक्षर भएको छ ।
एडीबीले पूर्व–पश्चिम राजमार्ग सुधार परियोजना र प्रकोप सहनशील विद्यालय निर्माण परियोजनाका लागि आर्थिक सहायता उपलब्ध गराउने भएको हो ।
एडीबीको सहयोगमध्ये १८ करोड डलर दक्षिण एसियाली उपक्षेत्रीय आर्थिक समन्वय कार्यक्रममा खर्च हुनेछ । त्यसैगरी प्रकोप सहनशील विद्यालय निर्माण परियोजनाका लागि १६ करोड ३९ लाख डलर खर्च हुने जनाइएको छ ।
प्रकाशित मिति: सोमबार, मंसिर ३, २०७५
-1732776560.jpg)
