काठमाडौं । साताको तेस्रो दिन मंगलबार शेयर बजारमा ८.३६ अंकको गिरावट आएको छ ।
०.७० प्रतिशतले घटेको बजारमा १७ करोड ४९ लाख ७९ हजार रुपैयाँ बराबरको शेयर कारोबार भएको छ ।
कारोबारमा १६५ कम्पनी सामेल भए । उत्पादन तथा प्रशोधन बाहेक सबै समूहमा गिरावट आएको छ ।
उत्पादन तथा प्रशोधनमा भने ७.२२ अंकको वृद्धि छ । सबैभन्दा बढी निर्जिवन बीमातर्फ ६३.०७ अंकले घटेको छ भने जीवन बीमातर्फ २३.८६ अंकको गिरावट छ ।
बजार घट्दा सबैभन्दा बढी कारोबार भने नेपाल बैंकको भएको छ । नेपाल बैंकको २ करोड ३७ लाख रुपैयाँ बराबरको शेयर कारोबार भएको छ । दोस्रोमा एनआइसी एसिया बैंकको ८० लाख रुपैयाँ बराबरको शेयर कारोबार भएको छ ।
यस दिन एभरेष्ट इन्स्योरेन्स कम्पनी, श्री इन्भेष्टमेन्ट फाइनान्स कम्पनी, अरुण भ्याली हाइड्रो पावर डेभलपमेन्ट कम्पनीले सबैभन्दा बढी गुमाएका छन् ।
प्रकाशित मिति: सोमबार, मंसिर ३, २०७५
-1732776560.jpg)
