काठमाडौं । नेपालीहरुको महान चाड दशैंलाई लक्षित गर्दै आजबाट नयाँ नोट वितरण सुरु गरिएको छ । नेपाल राष्ट्र बैंकले आजबाट असोज २९ सम्मका लागि नयाँ नोट सटहीको सुविधा दिन लागेको जनाएको छ ।
बैंकका अनुसार एक व्यक्तिले ५, १०, २० र ५० रुपैयाँ दरका नयाँ २/२ प्याकेट र १०० रुपैयाँ दरका एक प्याकेट गरी जम्मा २७ हजार रुपैयाँसम्म साँट्न सक्नेछ ।
राष्ट्र बैंकको केन्द्रीय कार्यालय, क्षेत्रीय कार्यालय तथा केही वाणिज्य बैंकहरुबाट नोट सटही गर्न सकिने व्यवस्था मिलाइएको छ । जसअनुसार नेपाल बैंक लिमिटेडको न्यूरोड, कीर्तिपुर, महाराजगञ्ज, जोरपाटी, पाटन औद्योगिक क्षेत्र, लाजिम्पाट र भक्तपुर शाखाबाट र राष्ट्रिय वाणिज्य बैंक तथा कृषि विकास बैंकका काठमाडौं उपत्काभित्र रहेका शाखाहरुबाट पनि सटही सुविधा उपलब्ध गराइने भएको छ ।
उपत्यका बाहिरको हकमा राष्ट्र बैंकका क्षेत्रीय कार्यालयसहित नोट कोष रहेका वाणिज्य बैंकका शाखाबाट समेत सटही सुविधा उपलब्ध हुनेछ ।
प्रकाशित मिति: शनिबार, असोज २०, २०७५
-1732776560.jpg)
