काठमाडौं । चालु आर्थिक वर्षको २ महिनामा १ खर्ब २० अर्ब राजश्व संकलन भएको छ । अघिल्लो वर्षको तुलनामा यसवर्ष ३७ प्रतिशतले बढी राजश्व संकलन भएको हो ।
अर्थमन्त्रालयमा मंगलबार आयोजित पत्रकार भेटघाट कार्यक्रममा अर्थमन्त्री डा. युवराज खतिवडाले चालु आर्थिक वर्षको साउन १ देखि भदौ मसान्तसम्म १ खर्ब २० अर्ब राजश्व संकलन भएको जानकारी दिए ।
अर्थमन्त्री खतिवडाका अनुसार भदौ मसान्तसम्म १ खर्ब ३ अर्ब बजेट खर्च भएको छ । जसमध्ये चालुतर्फ ९६ अर्ब र पूँजीगततर्फ ६ अर्ब रुपैयाँ मात्रै खर्च भएको छ ।
कार्यक्रममा अर्थमन्त्रीले करको दायरा बढाउने र करमैत्री कार्यालयको स्थापना गरेर राजश्व संकलनको कामलाई सहज बनाउने काम सरकारले गरिरहेको बताए । उनले स्थानीय तहमा देखिएको करसम्बन्धी समस्या समाधान हुँदै गएको दावी गर्दै घरजग्गामा लगाइएको कर घटाउन लागिएको पनि जानकारी दिए ।
प्रकाशित मिति: सोमबार, असोज १, २०७५
-1732776560.jpg)
