काठमाडौं । नेपाल स्टक एक्सचेञ्जले ‘धितोपत्र सूचीकरण विनियमावली, २०७५’ तथा ‘धितोपत्र कारोबार सञ्चालन विनियमावली, २०७५’ पारित गरेको छ ।
विनियमावली पारित भएसँगै बैंक लगायत विभिन्न संस्थाको शेयर सूचिकरणको कार्य अगाडि बढेको छ । बुधबार मात्रै ९ कम्पनीको शेयर सूचिकरण भएको नेपाल स्टक एक्स्चेञ्जले जनाएको छ ।
बुधबार सिद्धार्थ बैंक, कर्णाली डेभलपमेन्ट बैंक, नाडेप लघुवित्त, मिर्मिरे माइक्रोफाइनान्स, हिमालयन बैंक, एनएमबी बैंकलगायतका संस्थाको कुल ४ करोड ४१ लाख भन्दा बढी कित्ता सेयर सूचीकरण भएको छ ।
सूचीकरण हुन बाँकी रहेका अन्य कम्पनीहरुको पनि बिहीबारसम्म सुचीकरण हुने जनाइएको छ ।
यसअघि पुरानो विनियमावली खारेज भएको र नयाँ पारित हुन नसकेका कारण नयाँ आर्थिक वर्ष लागेदेखि नै नेप्सेले सेयर सूचीकरण गरेको थिएन ।
प्रकाशित मिति: मंगलबार, भदौ ५, २०७५
-1732776560.jpg)
