चितवन । माग अनुसार सुन नपाएको भन्दै चितवनका सुनचाँदी व्यवसायीले पसल बन्द गरेका छन् ।
नेपाल सुनचाँदी व्यवसायी संघले एक विज्ञप्ति जारी गर्दै आफ्नो मातहतका सम्पूर्ण पसल मंगलबार र बुधबार बन्द गर्ने जनाएको छ । संघका जिल्ला अध्यक्ष जीवनज्योती सदाशंकरद्वारा जारी विज्ञप्तिमा मागअनुसार सुन नपाएको हुँदा आन्दोलन गर्नुपरेको उल्लेख छ ।
सरकारसँग पटक–पटक आवश्यक सुन उपलब्ध गराउन आग्रह गरिए पनि सुनुवाइ नभएको विज्ञप्तिमा उल्लेख छ । चाडपर्वको समयमा सुनको माग बढेकाले सरकारलाई दबाब दिन सुन पसल बन्द गर्नु परेको संघले जनाएको छ ।
जिल्लामा करीब पाँच सय सुनचाँदी पसलमा सातामा पाँच किलो सुनका गरगहनाको माग हुने गरेपनि नेपाल राष्ट्र बैंकमार्फत दुई किलो मात्र सुन आउने गरेको व्यवसायीले बताएका छन् ।
प्रकाशित मिति: सोमबार, भदौ ४, २०७५
-1732776560.jpg)
