काठमाडौं । नेपाल आयल निगमले पेट्रोल, डिजेल तथा मट्टितेलको मूल्य घटाएको छ ।
आइतबार राती १२ बजेबाट लागु हुने गरि प्रति लिटर पेट्रोलमा ३ तथा डिजेल र मट्टितेलमा २ रुपैयाँ घटेको आयल निगमले जनाएको छ । नयाँ मूल्यअनुसार अब पेट्रोल प्रति लिटर ११० तथा डिजेल र मट्टितेल प्रति लिटर ९३ रुपैयाँ कायम भएको छ ।
निगमले पछिल्लो साढे तीन महिना यता पाँच पटक लगातार बढेको इन्धनको मूल्य पहिलो पटक घटाएको हो ।
अन्तराष्ट्रिय बजारमा कच्चा तेलको मूल्यमा गिरावट आएकाले नेपालमा पनि इन्धनको भाउ घटेको निगमले जनाएको छ ।
प्रकाशित मिति: बुधबार, मंसिर १९, २०७५
-1732776560.jpg)
