काठमाडौं । प्रहरीले गत बुधवार राजधानीका विभिन्न स्थानबाट बरामद गरेको नेपाली रुपैयाँ ‘नक्कली’ भएको पुष्टि भएको छ । नोट जारी गर्ने आधिकारिक निकाय राष्ट्र बैंकले प्रहरीले बरामद गरेको २ करोड ६० लाख ६३ हजार रुपैयाँ नै नक्कली भएको पुष्टि गरेको हो । नोट नक्कली भएको पुष्टि भए पछि राष्ट्र बैंकले प्रहरीलाई पत्रचार गर्दै ‘नेपाल राष्ट्र बैक ऐन, २०५८’ को दफा ६१, ९५ र ९६ समेत आकर्षिक भएकाले कारबाही गर्ने भनिएको छ ।
एक हजार दरका १० वटा नोट परीक्षण गर्दा आधिकारिक नभई ‘नक्कली’ भएकाले कानुनी प्रकृया अगाडि बढाउन राष्ट्र बैकले प्रहरीलाई निर्देशन दिएको हो । नक्कली नोट छापेर बजारमा लगेको गम्भीर आरोपमा प्रहरीले निर्माता वाग्लेसहित ६ जनालाई बुधवार नियन्त्रणमा लिएको थियो ।
प्रकाशित मिति: शनिबार, जेठ ५, २०७५
-1732776560.jpg)
