काठमाडौं। नक्कली नोटबजारमा नक्कली नोट गएको हुनसक्ने आशंकामा प्रहरीले सबैलाई सचेत हुन आग्रह गरेको छ । विगत केही समयदेखि अज्ञात समूहले नक्कली नोटको कारोबार गरिरहेको खुल्न आएपछि प्रहरीले सबैमा यो आग्रह गरेको हो । प्रहरीले २४ वर्षीय महेन्द्र बोगटीलाई बुधबार काठमाडौको मित्रनगरमा रहेको सुमधुर क्याफे तथा खाजाघरमा खाज खाएर रकम तिर्न लाग्दा नक्कली नोटसहित पक्राउ गरेको थियो ।
बोगटीकै बयानका आधारमा प्रहरीले फिल्म निर्माता माधव वाग्लेसहित ६ जनालाई नक्कली नोट २ करोड ६० लाखसहित नियन्त्रणमा लिएको हो । फिल्म प्रयोजनको लागि नक्कली नोट छपाएको भए पनि बजारमा नक्कली नोट गएको हुन सक्ने आशंकामा सबैलाई सचेत हुन महानगरीय प्रहरी परिसर काठमाडौंका एसएपी विश्वराज पोखरेलले आग्रह गरेका हुन् ।
प्रकाशित मिति: बिहीबार, जेठ ३, २०७५
-1732776560.jpg)
