चितवन । आपराधिक समूहले केरा घरी काटिदिँदा नोक्सानी ब्यहोरेका चितवनका केरा किसानहरुमाथि एकसाता पनि नबित्दै प्राकृतिक विपत्ती आइलागेको छ । आइतबार साझ आएको हावाहुरीसहितकोे कालिका नगरपालिकाको पदमपुरमा ८० प्रतिशतभन्दा बढी केरा खेती पूर्णरुपमा नष्ट भएको छ ।
यसबाट केरा खेती र अन्य अन्न बालीमा करोडौंको क्षति भएको छ ।असिनाले कालिका नगरपालिकाको वडा नम्बर १ देखि ७ सम्म बढी क्षति र्पुयाएको छ । केराका साथै मकै, तरकारी एवं फलफूलमा पनि ब्यापक क्षति पुगेको छ । वडा–वडामा क्षतिको तथ्याड्ड लिन सुरु गरिएको कालिकाका नगरपालिकाका प्रमुख गोपी श्रेष्ठले बताए ।
सम्वन्धित वडाका वडाध्यक्ष, सदस्य एवम् टोल विकास संस्थाका अध्यक्षहरुलाई समेत क्षतिको अवस्थाबारे तथ्यांक संकलनमा सहयोग गर्न भनिएको उनले जानकारी दिए । दैवी विपत्तीमा परेकाहरुलाई नगरपालिकाले क्षतिको मूल्यांकनको आधारमा सकेको सहयोग गर्ने नगरप्रमुख श्रेष्ठको भनाइ छ ।
पूर्वी चितवनमा लगाईएको झण्डै दुई हजार विघा क्षेत्रफलको केरा खेती पूर्ण रुपमा नष्ट भएको केरा उत्पादक संघ चितवनका अध्यक्ष विष्णुहरि पन्तले बताए । उनका अनुसार पूर्वी चितवनका ८० प्रतिशत भन्दा बढि केरा नष्ट भई करौडो मूल्यको क्षति पुगेको छ ।
सबैभन्दा बढि कालिका नगरपालिकाको पदमपुरमा लगाईएको केरा खेती ध्वस्त भएको उनले बताए । त्यहा लगाईएको केरा खेती कुनै पनि काम लाग्ने अवस्थमा छैन् । यसपटक अधिकांश केरा किसानले बीमा गराएका छैनन् । अघिल्लो वर्ष २२ करोडको बीमा गरिएको थियो ।
यसपटक बीमाका लागि १७ करोड रकम आएपनि किसानहरु त्यसतर्फ आकर्षित नभएकाले क्षतिको मार किसानले नै भोग्नुपर्ने अवस्था आएको संघका अध्यक्ष पन्तले बताए । भर्खरै सरुवा भएर आउनु भएका प्रमुख जिल्ला अधिकारी जितेन्द्र बस्नेतले आइतवार आएको हावाहुरी असिना पानीले क्षति गरेको केरा, मकै, अन्नबालीको पदमपुर पुगेर अनुगमन गर्नु भएको छ ।
अनुगमनसंगै पदमपुरका किसानहरुसंग क्षति बारे बुझ्नु भएको थियो । प्रमुख जिल्ला अधिकारी बस्नेतले सम्बन्धीत किसान टोल बिकास संस्थाहरु हुदै लागत सङकलन गरेर स्थानिय बिपत व्यवस्थापन समितिले लागतको मुल्यकन गरेर जिल्ला बिपत व्यवस्थापन समिति मार्फत कृषि मन्त्रालयमा पठाउने बताउनु भयो ।
हावाहुरीले लगाएको केरा स्वतरै पारेको र अहिलेसम्म यस्तो थाहा नभएको कालिका नगरपालिका वडा नंः ४ का किसान रामकृष्ण दाहालले बताउनु भयो ।
पूर्वी चितवनका पदमपुर, रत्ननगर, पिठुवा, जुटपानी चैनपुर, पश्चिम चितवनका जगतपुर, मंगलपुर र भरतपुर महानगरपालिका १ ठिमुरामा केरा खेती फस्टाएको छ । हिजोको हावाहुरी र असिना पानीले तरकारी खेतीहरुमा पनि नष्ट गरेको छ । यस्तै पूर्वी चितवनका विभिन्न स्थानका घरहरुको छानो समेत उडाएर क्षति पुगेको जिल्ला प्रहरी कार्यालय चितवनले जनाएको छ ।
उक्त अनुगमनमा प्रदेश २ (क) का संसाद घनश्याम दाहाल (अविनाश),नेपाली कांगेस प्रदेश नंः ३ का समानुपातिक सभासद मिलनबाबु श्रेष्ठ, राजनिति पार्टी प्रतिनिधि,लगायतको उपस्थित रहेको थियो ।
प्रकाशित मिति: सोमबार, वैशाख २४, २०७५
-1732776560.jpg)
