९ फागुन, कञ्चनपुर । आलुको बीउमा देशलाई आत्मनिर्भर बनाउनका लागि राष्ट्रिय कृषि अनुसन्धान परिषद्को आलु बाली विकास शाखाले आलुको बीउको प्रभावबारे अध्ययन थालेको छ । आलुबाली विज्ञ दानसिंह महराले आलुखेतीमा संलग्न झलारी पिपलाडी नगरपालिका–३ कोपिला आलु समूहमा आबद्ध किसानले लगाएका टिपिएर र सिविएस बीउकोे अवलोकन गरी बीउको अवस्थाबारे जानकारी लिनु भएको थियो । “आलुको बीउ किसानसम्म पुगे नपुगको, बीउमा रोग लागेको अवस्था, उत्पादन र बजार व्यवस्थापनबारे छलफल गरी सुधार्नु पर्ने र किसानलाई सहजरुपमा बीउ कसरी उपलब्ध गराउन सकिन्छ भन्नेबारे सुझाव लिएका छौँ” विज्ञ महराले “आलुको बीउका गुणस्तर राम्रो रहे पनि उत्पादन कम भएको, बीउ मागेको बेला नपाइने, महँगो रहेको र खेतमा रोप्ने बेला बीउ नपाइने गुनासो विज्ञ समक्ष राखेका छौँ” किसान पुरन चौधरीले भन्नुभयो । यहाँका २५ भन्दा बढी किसान आलुको बीउ उत्पादनमा संलग्न छन् । प्रतिवर्ष ७० क्विन्टल बढी आलुको बीउ यहाँका किसानले उत्पादन गर्दै आएका छन् । आलु बाली विकास कार्यक्रमअन्तर्गत बर्सेनि सात लाख बढी दाना पहिलो पुस्ताको आलु बीउ किसानबाट माग हँुदै आए पनि उपलब्ध गराउन गाह्रो रहेको महराले बताउनुभयो ।
प्रकाशित मिति: आइतबार, फागुन ८, २०७३
