काठमाडौं । पर्यटनलाई अर्थतन्त्रको प्रमुख आधारमध्ये एक मान्दै बर्सेनि लाखौं पर्यटक भित्र्याउँदै आएको नेपालबाट घुम्न बाहिरिनेको संख्या पनि पछिल्लो समय बढ्दै गएको छ ।
बाहिर जाने आउट वाउन्ड पर्यटक पनि बर्सेनि बढ्दै गएको पर्यटन बोर्डका वरिष्ठ अधिकृत सुदन सुवेदी बताउँछन् ।
उनका अनुसार ५ बर्ष यता नेपालीहरु घुम्नकै लागि विदेश जान थालेका छन् । आजको कान्तिपुरले अर्थ वाणिज्य पृष्ठमा समाचार छापेको छ ।
सुवेदीले भने, टुरिस्ट भिसा लिएर घुम्न जाने कल्चर ५ बर्षयता बढेको देखिन्छ, नेपालीहरु कुन कुन मुलुक घुम्न निस्कन्छन् ? कति खर्च गर्छन् ? कस्ता खाले पर्यटक भई निस्किरहेका छन् ? भन्ने तथ्यांक भने राखिने गरेको छैन ।
बार्षिक ७ लाख नेपालीहरु पर्यटक भिसामा घुम्न निस्किने गरेको अनुमान छ ।
प्रकाशित मिति: मंगलबार, वैशाख ११, २०७५
-1732776560.jpg)
