चितवन । चितवनमा चालु आर्थिक बर्षको ९ महिनामा ३७ प्रतिशत पुंजिगत खर्च भएको छ । चालु आर्थिक बर्ष ०७४÷७५ सकिन ३ महिना मात्रै बांकि रहंदा जिल्लाका सरकारी कार्यालयहरुको पुंजिगत खर्च ज्यादै न्युन छ ।
आर्थिक बर्ष सकिनै लाग्दा विकास निर्माणका कार्यले तिव्रता पाउने भएकाले अबको ३ महिनामा बजेट निकासी बढ्ने कोष तथा लेखा नियन्त्रकको कार्यालय भरतपुरले जनाएको छ । चितवनमा चालु आवको चैत मसान्त सम्ममा चालु र पुंजिगत गरि ५७ दशमलव ५५ प्रतिशत खर्च भएको प्रमुख कोष नियन्त्रण शिव प्रसाद पन्थिले जानकारी दिए ।
चालु तर्फ ६८ दशमलव ८४ प्रतिशत खर्च भएको छ । जिल्लाका सरकारी कार्यालयहरुलाइ विनीयोजन गरिएको ५ अर्ब ५६ करोड २४ लाख ८९ हजार रुपैंया पुंजिगत खर्च मध्ये चैत मसान्तसम्ममा २ अर्ब ९ करोड ३८ लाख २४ हजार रुपैंया बजेट निकासी भएको छ ।
गत आर्थिक बर्ष ०७३÷७४ मा यस अवधिसम्ममा जिल्लामा पुंजिगत २७ दशमलव ५६ प्रतिशत मात्रै खर्च भएको थियो । त्यस्तै चालु आर्थिक बर्षमा जिल्लाका सबै सरकारी कार्यालयहरुबाट चैतमसान्त सम्ममा १५ अर्ब ९८ करोड १५ लाख ४९ हजार रुपैंया राजस्व संकलन भएको छ । स्थानिय तहको मासिक पुंजिगत खर्च एकैपटकमा निकासा हुने भएकाले यस आर्थिक बर्षको कुल पुंजिगत खर्च बढेको पन्थिको भनाइ छ ।
चितवनमा यस आर्थिक बर्षका लागि १५ अर्ब ३८ करोड २१ लाख २९ हजार रुपैंया बजेट विनियोजन भएकोमा चैत मसान्त सम्ममा ८ अर्ब ८५ करोड ३६ लाख ८८ हजार रुपैंया खर्च भएको छ ।
प्रकाशित मिति: आइतबार, वैशाख ९, २०७५
-1732776560.jpg)
