चितवन । चितवनको पर्यटकिय क्षेत्र सौराहामा १४ बुदे आचारसंहिता जारी भएको छ । होटल , रेष्टुरेन्ट तथा पर्यटन व्यवसायीको लागी आचारसंहिता जारी गरिएको हो । आगामी नयाँ बर्ष बैशाख १ गतेदेखी लागु हुने गरी आचारसंहिता जारी भएको रेष्टुरेन्ट एण्ड बार एसोसियसन (क्षेत्रीय रेवान ) सौराहाका अध्यक्ष गोकर्ण गिरीले जानकारी दिनुभयो ।
सामाजिक अपराध , विकृती र विसंगती विरुद्ध स्थानिय निकाय , प्रशासनसँगको सहकार्यमा होटल , रेष्टुरेण्ट तथा पर्यटन व्यवसायीसँग आवद्ध संघ संस्थाहरुको लागी आचारसंहिता लागु गरिने गिरीले बताउनु भयो । आचारसंहिता लागु गर्न विहीवार सौराहामा भएको एक कार्यक्रममा बोल्ने व्यवसायीहरुले स्थानिय निकाय र प्रशासनले आचारसंहिताको पालना भए नभएको निरिक्षण गर्नुपर्नेमा जोड दिनुभयो ।
व्यवसायीहरुले निर्माण गरेको आचारसंहितामा रेष्टुरेण्ट तथा पसलहरु जाडोयाममा राती ११ र गर्मीयाममा राती १२ बजेसम्म मात्रै खोल्न पाउने , पर्यटन क्षेत्रमा मानव तथा जनावरहरुलाई असर गर्ने गरी ध्वनी आउने कार्यक्रम नगर्ने , हर्न निषेधित क्षेत्रलाई प्रभावकारी रुपमा कार्यन्वयन गर्ने , पर्यटकहरुलाई ह्यासलिङ्ग गर्न नपाउने , पर्यटन क्षेत्रको बाटोहरुमा सवारीसाधन पार्किङ्ग गर्न नपाउने , होटलहरुमा अनिवार्य रुपमा पर्यटकको परिचय खुल्नेगरी इन्ट्रि बुक राख्ने लगायतको १४ बुदे रहेकोे क्षेत्रिय होटल एसोसियसन सौराहाका अध्यक्ष सुमन घिमिरेले बताउनु भयो ।
कार्यक्रममा बोल्दै रत्ननगर नगरपालिकाका प्रमुख नारायण वनले पर्यटकिय क्षेत्रको प्रवद्र्धन गर्ने कार्यमा नगरपलिकाले सधै सहयोग गर्ने बताउनु भयो ।सार्वजनिक जग्गाको संरक्षण गर्दै उक्त स्थानहरुमो पार्किङ्ग व्यवस्थापन गर्ने रत्ननगर नगरपालिकाको योजना रहेको उहाले बताउनु भयो ।
क्षेत्रीय रेवानका अध्यक्ष गोकर्ण गिरीको अध्यक्षतामा भएको कार्यक्रममा दिपक अधिकारी , माइला घले ,नरेश गिरी , रेवान महिला समुहकी अध्यक्ष माला दहाल , मृग कुञ्ज मध्यवर्ती उपभोक्ता समितीका अध्यक्ष वासुदेव ढुगांना , रत्ननगर वडा नम्बर ७ का वडा अध्यक्ष राजन भट्ट , इलाका प्रहरी कार्यालय टँडीका प्रमुख प्रहरी नायव उपरिक्षक वासुदेव खतिवडा ,सहायक प्रमुख जिल्ला अधिकारी लक्ष्मीप्रसाद बास्कोटा लगायतले आचारसंहिताको कार्यन्वयनको लागी सबैपक्ष जिम्मेवार हुनुपर्ने बताउनु भयो ।
प्रकाशित मिति: बुधबार, चैत १४, २०७४
-1732776560.jpg)
