काठमाडौँ । बेइजिङस्थित नेपाली राजदूतावासले चिनियाँ लगानीकर्ताहरूलार्इ नेपालको जलविद्युत् आयोजनामा लगानी गर्न अाग्रह गरेको छ।
शुक्रबार वेइजिङमा कार्यशाला गर्दै चिनियाँ लगानीकर्तालार्इ नेपालको जलविद्युत क्षेत्रमा लगानी गर्न अाग्रह गरेको हो।
चीनका लगानीकर्ता र नेपालका जलविद्युत् उत्पादक कम्पनी दुवै देशका उच्च सरकारी अधिकारीको सहभागितामा भएको उक्त कार्यशालामा चीनका लागि नेपालका राजदूत लीलामणि पौड्यालले तीनवटै तहका निर्वाचन सम्पन्न भएपछि नेपालमा राजनीतिक स्थायित्व र सुशासनको युग प्रारम्भ भएको बताउँदै ढुक्क भएर लगानी गर्न चिनियाँ उद्यमीहरुलाई आग्रह गरेको वेइजिङ स्थित नेपाली दूतावासले जनाएको हो।
नेपाल सरकारले उद्योग र लगानी मैत्री नीति अवलम्बन गरेको जानकारी दिँदै उनले नेपालका उपलब्ध अवसरको भरपूर उपयोग गर्न आग्रह गरेका हुन्।
कार्यशालामा जलविद्युत् उत्पादन, प्रसारण र वितरण प्रणालीलाई सुदृढ तुल्याउन भएका कानुनी व्यवस्था, लगानीको स्वरुप, स्रोत र साधनको परिचालन, लगानीका प्रक्रियागत एवं कानुनी प्रावधानबारे विस्तृतरुपमा जानकारी दिइएको थियो ।
प्रकाशित मिति: शुक्रबार, चैत ९, २०७४
-1732776560.jpg)
