१७ पुस, काठमाडौँ । नेपाल पर्यटन बोर्डले विभिन्न प्रवर्द्धनात्मक अभियान चलाएर सन् २०१७ मा बाह्य पर्यटक आगमनमा महत्वपूर्ण योगदान पुगेको जनाएको छ । बोर्डले ‘भिजिट नेपाल–२०१७’, घुमफिर वर्ष–२०१७’ जस्ता राष्ट्रिय र अन्तर्रा्ष्ट्रिय अभियान चलाएर बढी बाह्य पर्यटक भित्र्याउन सफल भएको हो । सन् १९९८ देखिको १० लाख पर्यटक पु¥याउने लक्ष्य सन् २०१७ मा सार्थक बनाउन सावित भएको बोर्डका प्रमुख कार्यकारी अधिकृत (सिइओ) दीपकराज जोशीले बताए । बोर्डको १९औँ वार्षिकोत्सवको अवसरमा आइतबार प्रगति विवरण प्रस्तुत गर्दै सिइओ जोशीले निजी क्षेत्रसँगको साझेदारीमा चलाइएका विभिन्न अभियानले यस वर्ष १० लाख पर्यटक पुग्ने आशा गरिएको बताए । बोर्डले जारी गरेको विज्ञप्तिअनुसार ‘भिजिन युरोप–२०१७’ अभियान सफलतापूर्वक सम्पन्न भएको छ । अभियानको प्रभावले अघिल्लो वर्षको तुलनामा सन् २०१७ मा युरोपका पर्यटक ३० प्रतिशतले बढेका छन् ।
प्रकाशित मिति: आइतबार, पुस १६, २०७४
-1732776560.jpg)
