११ मंसिर, पर्वत। पर्वतको मोदी गाउँपालिकाले आफ्नो क्षेत्रभित्र गुणस्तरहीन मदिरा बिक्री वितरणमा रोक लगाउने भएको छ । गाउँपालिकाको हालै सम्पन्न गाउँसभाले आफ्नो क्षेत्रभित्रका सबै वडामा प्लास्टिक बोतलमा भित्रिने सिलबन्दी भएको र गुणस्तरहीन रक्सीको बिक्री वितरण तथा सेवनमा रोक लगाउने निर्णय गरेको हो । गाउँपालिकाले आइतबार पत्रकार सम्मेलनमार्फत उक्त निर्णय सार्वजनिक गरेको हो । गाउँपालिकाभित्रका सबै वडामा गुणस्तरहीन रक्सी भित्रिने गरेको र त्यसले जनस्वास्थ्यमाथि प्रतिकूल असर पार्नुका साथै समाजमा समेत नराम्रो असर पारेको भन्दै बिक्री वितरण तथा सेवनमा पूर्ण प्रतिबन्ध लगाउने निर्णय गरेको गाउँपालिकाका अध्यक्ष प्रेमप्रसाद पौडेलले बताए ।
प्रकाशित मिति: आइतबार, मंसिर १०, २०७४
-1732776560.jpg)
