काठमाडौं । प्रधानमन्त्री केपी शर्मा ओलीले मंगलबार मधेसका सुख्खाग्रस्त क्षेत्रहरूको स्थलगत अवलोकन गरेका छन्।
उनले बारा र महोत्तरी जिल्लामा वर्षाको कमीका कारण उत्पन्न भएको सूख्खा अवस्थाबारे जानकारी लिएका हुन्।
हाल देशभर मनसुनी वर्षाको प्रभाव कमजोर भएकाले पर्याप्त पानी परिरहेको छैन। विशेषगरी मधेस क्षेत्रमा वर्षा नहुँदा रोपाइँसमेत प्रभावित भएको छ। विज्ञहरूले मधेसमा ४० प्रतिशतभन्दा कम मात्रै रोपाइँ भएको जनाएका छन्, जसका कारण धान उत्पादनमा गम्भीर असर पर्ने चेतावनी दिइएको छ। यसै सन्दर्भमा सरकारले मधेसलाई विपद् संकटग्रस्त क्षेत्रको रूपमा घोषणा गरिसकेको छ।
प्रधानमन्त्री ओलीले आजै जनकपुर-कुर्था-सम्सी सडक खण्डअन्तर्गत रौजास्थित रातुखोला पुलको उद्घाटन गरे। प्रधानमन्त्रीको सचिवालयका अनुसार उक्त कार्यक्रम दिउँसो १:४० बजे सम्पन्न भयो।
त्यसपछि उनले बाराको परवानीपुर गाउँपालिकामा निर्माण गरिएको नयाँ प्रशासकीय भवनको पनि उद्घाटन गरे ।
आजै साँझ प्रधानमन्त्री काठमाडौं फर्कने कार्यक्रम रहेको छ।
प्रधानमन्त्री केपी शर्मा ओलीले मंगलबार मधेसका सुख्खाग्रस्त क्षेत्रहरूको स्थलगत अवलोकन गरेका छन्।
उनले बारा र महोत्तरी जिल्लामा वर्षाको कमीका कारण उत्पन्न भएको सूख्खा अवस्थाबारे जानकारी लिएका हुन्।
हाल देशभर मनसुनी वर्षाको प्रभाव कमजोर भएकाले पर्याप्त पानी परिरहेको छैन। विशेषगरी मधेस क्षेत्रमा वर्षा नहुँदा रोपाइँसमेत प्रभावित भएको छ। विज्ञहरूले मधेसमा ४० प्रतिशतभन्दा कम मात्रै रोपाइँ भएको जनाएका छन्, जसका कारण धान उत्पादनमा गम्भीर असर पर्ने चेतावनी दिइएको छ। यसै सन्दर्भमा सरकारले मधेसलाई विपद् संकटग्रस्त क्षेत्रको रूपमा घोषणा गरिसकेको छ।
प्रधानमन्त्री ओलीले आजै जनकपुर-कुर्था-सम्सी सडक खण्डअन्तर्गत रौजास्थित रातुखोला पुलको उद्घाटन गरे। प्रधानमन्त्रीको सचिवालयका अनुसार उक्त कार्यक्रम दिउँसो १:४० बजे सम्पन्न भयो।
त्यसपछि उनले बाराको परवानीपुर गाउँपालिकामा निर्माण गरिएको नयाँ प्रशासकीय भवनको पनि उद्घाटन गरे।
आजै साँझ प्रधानमन्त्री काठमाडौं फर्कने कार्यक्रम रहेको छ।
प्रकाशित मिति: शुक्रबार, साउन १०, २०८२
