२० असोज, काठमाडौँ । निर्वाचन आयोगले राष्ट्रिय पुनर्निर्माण प्राधिकरणका कार्यकारी अधिकृत गोविन्द पोखरेललाई प्यूठान छाड्न निर्देशन दिएकोछ । आयोगले २४ घण्टाभित्र स्पष्टीकरणसहित प्युठान छाड्न निर्देशन दिएको छ । सार्वजनिक पदमा रहेको व्यक्ति पार्टी विशेषको कार्यक्रममा सहभागी भई निर्वाचन आचारसंहिता उल्लंघन गरेको भन्दै आयोगले पोखरेललाई जिल्ला छाड्न निर्देशन दिएको हो । पोखरेल गृहजिल्ला प्युठान पुगेर कांग्रेसको कार्यक्रममा हिँडेपछि आयोगले स्पष्टीकरण सहित जिल्ला छाड्न भनेको हो । पोखरेललाई कांग्रेस प्युठानले प्रतिनिधिसभा चुनावका लागि उम्मेदवारका सर्वसम्मत सिफारिस गरेको छ ।
प्रकाशित मिति: बिहीबार, असोज १९, २०७४
