४ असोज, रौतहट । धुर्मुससुन्तली फाउण्डेसनले रौतहटको सन्तपुरमा निर्माण गर्न लागेको सन्तपुर एकीकृत नमुना बस्तीको बुधबार शिलान्यास भएको छ । सिताराम कट्टेल ‘धुर्मुस’ले आफ्नो जन्मदिनको अवसरमा सन्तपुरमा एकीकृत वस्ती निर्माण सुरु गरेका हुन । ५ करोड ७५ लाखमा निर्माण हुने उक्त वस्ती माझी, मुसहर, हजाम र देशार समुदायका लागि बनाउन लागिएको धुर्मुसले बताएका छन । परियोजना अन्तर्गत आवासीय घर ४५ वटा, मन्दिर १ वटा, सामुदायिक भवन १ वटा, म्यु टावर १ वटा, सार्वजनिक धारा १ वटा, सार्वजनिक शौचालय १ वटा साथै कम्पाउण्ड सहितको भूकम्प तथा बाढी डुबानबाट सुरक्षित बस्ती निर्माण हुने यस परियोजना ब्यवस्थापक अर्जुन न्यौपानेले जानकारी दिए ।
प्रकाशित मिति: मंगलबार, असोज ३, २०७४
