–राजन राैनियार
१३ साउन, पर्सा । पर्सामा बचत तथा ऋण सहकारी संस्थाको संख्या तीव्र रूपमा बढ्दै गइरहेको छ । बिनाधितो ऋण पाउने र थाहै नपाई एकमुष्ट रकम जम्मा हुने भएकाले पनि स्थानीयको आर्कषण बचत तथा ऋण सहकारीमा बढेको हो । कुनै पेसा र व्यवसाय गरेर आर्जन गरेको रकम राख्न र चाहिएको समयमा झिक्न सहज हुने भएपछि सहकारी स्थानीयको नजरमा परेको छ । बचतकर्ताले बिनाधितो ऋण पाउने र एकमुष्ट बचत फिर्ता पाउने भएकाले व्यापारमा लगानी गर्न पनि सहज भएको छ । सहकारीका बचत संकलकहरू घर–घरमा आएर बचत लिएर जाने र पैसा चाहिए लिएर आइदिने भएकाले सजिलो भएको छ । प्रत्येक बचत तथा ऋण सहकारीले छुट्टाछुट्टै संकलक राखेका हुन्छन् । यसले स्थानीय युवायुवतीलाई रोजगारी समेत मिलेको छ । पर्सामा अहिले सम्म विभिन्नखालका ७३६ सहकारी दर्ता भएको तथ्यांक डिभिजन सहकारीमा छ । तर बिभिन्न कारणले २३७ खारिज भएको अवस्था छ ।
पर्सा महानगरपालिकाभित्रका बचत सहकारीले आर्थीक बर्ष ०७३ ÷०७४ मा ३० लकरोड १२ लाख रुपैया सेयर पुजि समपुर्ण सहकारीको रहेको छ । भने ३९ करोड ५६ लाख रकम संक्षिप्त रकम कोषमा रहेको छ । त्यस्तै ३ अरब ३ करोड १२ लाख रुपैयाँभन्दा बढीको आर्थिक कारोबार गरेको र हाल सम्म १ लाख भन्दा बडि बचत बर्ता सदस्य रहेको भएता पनि यस बर्ष काम गर्न नसकेका २३ वटा सहिकारी संस्था खारीज भएको पर्सा बचत तथा ऋण सहकारी संस्थाको उपा अध्यक्ष असगर अलि अंन्सारीले बताए । अन्सारी का अनुसार पर्सामा अहिले अरूको देखसिकी गरेर प्रतिस्पर्धामा आउने र ग्राहकको इच्छाअनुसार सेवा सुविधामा पनि ध्यान दिएर सहकारी सञ्चालन भएकाले बचत सहकारी तीव्र वृद्धि भएका हुन् । १ लाखसम्मको ऋणमा कुनै प्रकारको धितो नचाहिने र सोभन्दा माथि ऋण लिन पनि बैंकमा जस्तो झमेला नभएकाले इलाममा सहकारी संस्थाको वृद्धि भएको हो । यससँगै केही सहकारी खारेजी त केही आफैं निष्क्रिय पनि हुने गरेका छन् ।
प्रकाशित मिति: बिहीबार, साउन १२, २०७४
