१० साउन, काठमाडौं । कोरियन भाषा परीक्षाको नतिजा अाज प्रकाशित हुने भएको छ । रोजगार अनुमति प्रणाली (ईपीएस) अन्तर्गत लिइएको परीक्षाको नतिजा अाज साँझ सार्वजनिक हुने ईपीएस कोरिया शाखाका प्रवक्ता शोभाकर भण्डारीले बताए । सरकारले यसअघि असार १६ गते नतिजा प्रकाशित गर्ने तालिका बनाएको थियो । तर, केही परीक्षार्थीले जेठ २७ र २८ गतेको परीक्षामा जाँच दिन नपाएपछि फेरि एक हप्ता कम्प्युटरमार्फत परीक्षा लिएर नतिजा प्रकाशित गर्न लागिएको हो । नतिजा कोरिया सरकारको आधिकारिक वेबसाइट, ईपीएस कोरिया शाखाको वेबसाइट, श्रम तथा रोजगार मन्त्रालयको वेबसाइट, वैदेशिक रोजगार विभागको वेबसाइटमा उपलब्ध हुनेछ । यो वर्ष झण्डै ६८ हजारभन्दा बढीले कोरियन भाषा परीक्षा दिएका छन् । त्यसमध्ये १० हजार २ सय जना परीक्षामा उत्र्तीण हुने गरी कोटा तय भएको छ । उत्पादनमुलुकतर्फ ४ हजार र कृषिमा ६ हजार २ सय उत्तीर्ण हुने गरी कोटा तय गरिएको छ ।
प्रकाशित मिति: सोमबार, साउन ९, २०७४
