५ साउन, काठमाडौँ । स्वदेशी शैक्षिक परामर्शदातृ संस्थाहरुको सार्थक उपस्थितिको पर्याय बनिसकेको नेपाल शैक्षिक परामर्श संघ (इक्यान) को ११ औं बृहत शैक्षिक मेला आजदेखि सुरु भएको छ । भृकुटी मण्डपस्थित प्रदर्शनीहलमा आयोजित मेलाको व्यवस्थापन इक्यान आफैंले गरेको अध्यक्ष प्रकाश पाण्डेले बताएका छन । उनले विगतका वर्षहरुमा झैं यस वर्ष पनि २३६ भन्दा वढि स्टल तथा १४ वटा पेभिलियनहरुका साथ मेला ऐतिहासीक रुपमा सम्पन्न हुने विश्वास व्यक्त गरे । मेलामा एकै स्थानमा विश्वका उत्कृष्ठ गन्तव्य मुलुकहरुको शिक्षा प्रणाली र अवसरको विषयमा जानकारी दिइने छ भने विशेषतः अमेरीका, अष्ट्रेलीया, न्युजीलैण्ड, क्यानडा, जापान, श्रीलंका, डेनमार्क, लगायत युरोपीयन मुलुकहरु तथा छिमेकी राष्ट्रहरु भारत र चिनका विभिन्न विश्वविद्यालय तथा कलेजको प्रतिनिधित्व गर्ने शैक्षिक परामर्शदाताहरुसँग साक्षात्कार हुनेछ ।
मुख्य प्रायोजक ब्रिटीश काउन्सील रहेकोे यस मेलामा पहिलो पटक श्रीलंका स्थित ४ वटा कलेजहरुको प्रत्यक्ष उपस्थिति रहने रहेको अध्यक्ष पाण्डेले बताए । नेपाली विद्यार्थी तथा अभिभावकहरुको व्यापक समुदायलाई एकै थलोमा विश्वका उत्कृष्ट देश र त्यहाँको शिक्षा प्रणालीको जानकारी गराउने उद्देश्यकासाथ सुरु भएको मेला यही साउन ८गतेसम्म सञ्चालन हुने इक्यानले जनाएको छ ।
प्रकाशित मिति: बुधबार, साउन ४, २०७४
