१ साउन, काठमाडौँ । आज आइतबारदेखि १० लाख रुपैयाँभन्दा बढीको कारोबार चेकबाट मात्र गर्न पाइने भएको छ । राष्ट्र बैंकले १० लाख रुपैयाँभन्दा धेरैको कारोबार नगदमा गर्न नपाइने नियम लागू गरेको हो । नगद कारोबारभन्दा बैंकिङ कारोबार सुरक्षित हुने भएकाले नगद कारोबारको सीमा घटाइएको राष्ट्र बैंकले जनाएको छ । यसअघि ३० लाख रुपैयाँसम्मको कारोबार नगदमा गर्न पाइने ब्यवस्था थियो । यो निर्णयपछि बैंकिङ प्रणालीमा नगद भित्रिने क्रम बढ्ने अनुमान गरिएको छ ।
प्रकाशित मिति: शनिबार, असार ३१, २०७४
