काठमाडौँ -नेपालमा थप १०५६ जनामा कोरोनाभाइरस सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ । सङ्क्रमित मध्ये ३८६ जना महिला र ६७० जना पुरुष रहेका छन्।
बुधबार नेपालमा थप १४ जना कोरोना संक्रमितको मृत्यु भएको छ। योसँगै कोरोना संक्रमित मृतकको संख्या १ हजार ६ सय ५१ पुगेको स्वास्थ्य तथा जनसंख्या मन्त्रालयले जनाएको छ। मंगलबार २३ जना संक्रमितको मृत्यु भएको थियो।
मन्त्रालयद्वारा प्रकाशित विवरण अनुसार विगत २४ घण्टाको अवधिमा थप १४८३ जना सङ्क्रमणमुक्त भएका छन्। अहिलेसम्म कुल २,३०,५३७ जना सङ्क्रमित निको भएको मन्त्रालयको तथ्याङ्क छ । जुन ९४.३ प्रतिशत रहेको मन्त्रालयले जनाएको छ।
गत कार्तिक ५ गते सर्वाधिक ५,७४३ जना सङ्क्रमित एकै दिन फेला परेका थिए। अहिले पछिल्लो समय कोरोन संक्रमितको डर कम हुँदै गएको छ। नेपालमा हालसम्म कुल संक्रमितमध्ये १२ हजार २४५ जना सक्रिय संक्रमित छन्।
प्रकाशित मिति: बुधबार, मंसिर २४, २०७७
-1732776560.jpg)
