काठमाडौँ -पछिल्लो २४ घण्टामा नेपालमा १ हजार १४ जना कोरोना संक्रमित भेटिएका छन्। योसँगै नेपालमा कुल संक्रमितको संख्या २ लाख ४१ हजार ९९५ पुगेको छ।
काठमाडौं उपत्यकामा थप ४ सय ४२ जना कोरोना संक्रमित भेटिएका छन्। गत २४ घण्टामा देशभर भेटिएका १ हजार १४ संक्रमितमध्ये ४ सय ४२ काठमाडौं उपत्यकामा मात्र भेटिएको हो।
काठमाडौंमा ३ सय ४४, भक्तपुरमा ३१, ललितपुरमा ६७ जना संक्रमित थपिएका हुन्। यो सँगै काठमाडौंमा संक्रमितको संख्या ९० हजार ७ सय ७२ पुगेको छ।
सोमबार थप २० जना कोरोना संक्रमितको मृत्यु भएको छ। योसँगै कोरोना संक्रमित मृतकको संख्या १ हजार ६ सय १४ पुगेको छ।
नेपालमा हालसम्म कुल संक्रमितमध्ये १२ हजार ९४८ जना सक्रिय संक्रमित छन्। आज १६२८ जना कोरोना संक्रमणमुक्त भएका छन्। योसँगै कुल निको हुनेको संख्या २ लाख २७ हजार ४३३ पुगेको छ।
पछिल्लो समय कोरोना पुष्टि हुनेको संख्यामा केहि कमि आएको छ तर विज्ञहरु परिक्षणको दायरा थोरै भएर संक्रमण कम देखिएको बताउछन।
प्रकाशित मिति: सोमबार, मंसिर २२, २०७७
-1732776560.jpg)
