१६ जेठ, काठमाडौँ । राष्ट्रिय योजना आयोगका पूर्व उपाध्यक्ष डा दिनेशचन्द्र देवकोटाले आगामी आर्थिक वर्षको बजेट संविधान कार्यान्वयनको सुनिश्चितताको हिसाबले सकारात्मक रहेको बताएका छन । मंगलबार आजकोन्युजसँग कुरा गर्दै उपाध्यक्ष देवकोटाले संविधान कार्यान्वयनका दृष्टिले बजेट राम्रो भएको बताए । उनले भने, ‘बजेटले स्थानीय तहको कार्यान्वयनलाई सुरक्षित गर्यो । अबको निर्वाचन आउँदै छ भनेर बजेट नै छुट्यो ।’ डा देवकोटाले बजेटको राम्रो भन्दा नकारात्मक / कम्जाेर पक्ष धेरै रहेको भन्दै अलोचन पनि गरेका छन । उनले भने ‘बजेट कार्यान्वयनको वातावरण तयार गरिएको छैन तर बजेटको आकार चाहिँ बढाएको छ ।’ बजेट कार्यान्वयन चुनौतिपूर्ण रहेको भन्दै उनले उत्पादन बढाउने कुरा केही नसमेटिएको बताए । पूर्व उपाध्यक्ष देवकोटाले भारतले माया गरेको सरकार भएकाले विजुली सरल तरिकाले अायात भइरहेकाे भन्दै मूल्यवृद्धिलाई ७ प्रतिशतमा कायम राख्ने कुरा पनि उत्तिकै चुनौतिपूर्ण रहेको बताए । निजी क्षेत्रका लागि बजेटले केही नबोलेको भन्दै आलोचना गरे । उनले भने, ‘निजी क्षेत्रको सहभागिताको कुरा र तीनलाई काम गराउने कुरामा बजेट बोलेन ।’ डा देवकोटाले बजेटको प्राथमिकतामा नै १३ वटा विषय रहेको भन्दै स्थानीय तहमा गएको बजेट एकदमै न्यून रहेको बताए । उनले संविधानमा व्यवस्था भएअनुसार सवैधानिक, कार्यपालिका, न्यायपालिका र व्यवस्थापिकाकाे कार्यान्वयन गर्न बजेट कम भएकाे बताए । देवकोटाले भने, ‘भौतिक पूर्वाधार नभएको अवस्थमा दिइएको बजेट अपुग र अपूर्ण छ ।’ उनले व्यापार घाटा न्यूनिकरण गर्ने कुरामा बजेट नबोलेको आरोप लगाए ।
प्रकाशित मिति: सोमबार, जेठ १५, २०७४
