९ जेठ, काठमाडौँ । सरकारले आगामी आर्थिक वर्षको बजेटको तयारीका बारेमा प्रमुख तीन दलका शीर्ष नेतालाई जानकारी दिएको छ । प्रधानमन्त्री निवास बालुवाटारमा भएको छलफलमा स्थानीय तहको दोस्रो चरणको निर्वाचनलाई ध्यानमा राखेर आचारसंहिता प्रभावित नहुने गरी पूर्ण आकारकै बजेट ल्याउने सम्बन्धमा जानकारी गराइएको उपप्रधानमन्त्री एवम् अर्थमन्त्री कृष्णबहादुर महराले बताए । प्रधानमन्त्री पुष्पकमल दाहाल, नेपाली काँग्रेसका सभापति शेरबहादुर देउवा र प्रमुख प्रतिपक्षी दल नेकपा(एमाले)का अध्यक्ष केपी शर्मा ओली सहभागी छलफलमा संविधान संशोधन, सत्ता हस्तान्तरणलगायत विषयमा समेत छलफल भएको छ ।
प्रकाशित मिति: सोमबार, जेठ ८, २०७४
