काठमाडाैं । विश्वव्यापी महामारी बनेकाे काेराेना संक्रमणले विश्व अर्थतन्त्रमा लगातार नकारात्मक असर परिरहेकाे छ । काेराेना संक्रमणकै कारण नेपालकाे सुनचाँदी बजारमा पनि उल्लेख्य प्रभाव परिरहेकाे छ ।
केही समयपहिले मूल्य बढेर उत्कर्षमा पुगेकाे सुनकाे मूल्य पछिल्ला दिनमा भने अनपेक्षित रूपमा घटिरहेकाे छ । आइतबार पनि सुनकाे मूल्यमा भारी गिरावट आएकाे छ ।
नेपाल सुनचाँदी व्यवसायी महासंघका अनुसार आइतबार सुनको मूल्य तोलामा १ हजार ५ सय रुपैयाँ घटेर प्रतितोला ७७ हजारमा कारोबार भइरहेको छ । यसअघि सुनकाे मूल्यमा एकैपटक ३ हजार रुपैयाँँ घटेकाे थियाे ।
शुक्रबार सुन प्रतितोला ७८ हजार ५ सय रुपैयाँमा कारोबार भएको थियो । महासंघका अनुसार तेजाबी सुनको मूल्य आइतबार ७६ हजार ७ सय रुपैयाँ कायम गरिएको छ ।
यस्तै, आइतबार चाँदीको मूल्य पनि घटेको छ । चाँदीमा ३० रुपैयाँ घटेर प्रतितोला ७ सय ९० रुपैंयामा कारोबार भइरहेको महासंघले जनाएको छ ।
प्रकाशित मिति: आइतबार, चैत २, २०७६
-1732776560.jpg)
