काठमाडौं । पछिल्लाे समय लगातार रेकर्ड कायम गर्दै आएकाे सुनकाे मूल्यले आइतबार पनि निरन्तरता पाएकाे छ । सुनकाे मूल्यमा लगातार वृद्धि हुँदै गएर ताेलाकै ८० हजार हाराहारी पुग्न लागकाे छ ।
आइतबार छापावाल सुनको मूल्य प्रतितोला ७८ हजार ८ सय रुपैयाँ ताेकिएकाे नेपाल सुनचाँदी व्यवसायी महासंघले जनाएको छ । शुक्रबार प्रतितोल ७८ हजार १ सय रुपैयाँमा कारोबार भएको सुनकाे मूल्यमा आइतबार ७ सय रुपैयाँले वृद्धि भएको हो ।
यसअघि बिहीबार पनि ७७ हजार ६ सय रुपैयाँ पुगेर नयाँ रर्कड बनाएको सुनको मूल्यले शुक्रबार ५ सय रुपैयाँले बढेर फेरि अर्को रेकर्ड बनाएकाे थियो ।
यसैगरी, तेजाबी सुन पनि प्रतितोला ७८ हजार ५ सय रुपैयाँमा कारोबार भइरहेको महासंघले जनाएको छ । शुक्रबार तेजाबी सुनकाे मूल्य प्रतितोला ७७ हजार ८ सय रुपैयाँ थियो ।
यसैरी आइतबारका लागि चाँदीको मूल्य प्रतितोला ९ सय २० रुपैयाँमा कायम भएको छ । शुक्रबार चाँदीकाे मूल्यमा ५ रुपैयाँ वृद्धि भएकाे हाे ।
कोरोना भाइरसका कारण अन्तर्राष्ट्रिय बजारमा सुनको मूल्य बढेका कारण नेपालमा पनि निरन्तर बढेको नेपाल सुन चाँदी व्यवसायी महासंघको भनाइ छ ।
प्रकाशित मिति: आइतबार, फागुन ११, २०७६
-1732776560.jpg)
