काठमाडौं । नेपाली बजारमा मंगलबार सुनकाे मूल्यले पुरानाे सर्वाधिक मूल्यकाे रेकर्ड छुएकाे छ । आजका लागि सुनकाे मूल्य यसअघिकाे सर्वाधिक मूल्य ७३ हजार ५ सय रुपैयाँ नै कायम गरिएकाे छ ।
४ दिनदेखि प्रतितोला ७३ हजार ३ सय रुपैयाँमा स्थिर रहेको छापावाल सुन मंगलबार प्रतितोला २ सय रुपैयाँले बढेको नेपाल सुनचाँदी व्यवसायी महासंघले जनाएको छ ।यसैगरी तेजाबी सुन ७३ हजार २ सय रुपैयाँमा कारोबार भइरहेकाे छ ।
यस्तै चाँदीको मूल्य पनि बढेको छ । महासंघका अनुसार चाँदी प्रतिताेला ८ सय ९० रुपैयाँमा कारोबार भइरहेकाे छ । सोमबार चाँदीकाे मूल्य ८ सय ८५ रुपैयाँ थियो ।
प्रकाशित मिति: मंगलबार, पुस १५, २०७६
-1732776560.jpg)
