काठमाडौं: आज देशभरका सबै स्थानीय तहले आगामी आर्थिक वर्षका लागि बजेट सार्वजनिक गर्दैछन्।
देशभरका ७ सय ५३ स्थानीय तहले आज आ-आफ्नो गाउँसभा र नगरसभामा बजेट प्रस्तुत गर्नेछन् । आज ६ वटा महानगरपालिका, ११ वटा उपमहानगरपालिका, २७६ नगरपालिका र ४६० वटा गाउँपालिकाले बजेट सार्वजानिक गर्न लागेकाे हाे ।
अन्तर सरकारी वित्त व्यवस्थापन ऐनको दफा २१ को उपदफा (३) मा ‘गाउँपालिका र नगरपालिकाले प्रत्येक वर्ष असार १० गतेभित्र आगामी आर्थिक वर्षको अनुमानित बजेट (राजस्व र खर्चको अनुमान) सम्बन्धित गाउँ वा नगरसभामा पेस गर्नुपर्ने’ व्यवस्था छ । उक्त ऐनमा उल्लेखित कानुनी व्यवस्थाअनुसार स्थानीय तहले आर्थिक वर्ष २०७६/७७ को बजेट ल्याउन लागेका हुन्।
अर्थ मन्त्रालयले यसअघि नै तोकिएको मितिमा बजेट नल्याउने स्थानीय तहलाई केन्द्रबाट उपलब्ध गराउने सबै प्रकारका अनुदान रकम रोक्ने चेतावनी दिइसकेकाे छ ।
प्रकाशित मिति: मंगलबार, असार १०, २०७६
-1732776560.jpg)
