काठमाडौं : आज नेप्से वेबसाइटमा समस्या आएको छ । आज बिहानै देखि साइट नचल्दा कम्प्युटर तथा मोबाइलबाट सेयर कारोबारको जानकारी लिने लगानीकर्ता अन्योलमा परेका छन् ।
नेप्सेले भने साइट नचले पनि कहाँ र के समस्या आयो भनेर पत्ता लागिनसकेको बताएको छ । प्राविधिकहरुले समस्या पहिचान गर्ने काम भइरहेको छ ।
नेप्से प्रवक्ता मुराहरि पराजुलीले कहाँ, के बिग्रियो भनेर पत्ता लागि नसकेको बताए । पराजुलीले समस्या समाधान गर्ने पहल भइरहेको तर कति बजेसम्म समाधान हुन्छ भनेर अहिल्यै भन्न सक्ने अवस्था समेत नभएको उनले बताए ।
वेबसाइट नचले पनि सेयर कारोबार भने भइरहेको उनले बताए ।
प्रकाशित मिति: बिहीबार, जेठ २३, २०७६
-1732776560.jpg)
