इलाम : इलाम नगरपालिका–१ साँखेजुङमा चिया प्रशोधन उद्योग सञ्चालनमा आएको छ ।
करिब तीन महिनाअघि निर्माण सुरु भएको उद्योग सञ्चालनमा आएको हो । करिब पाँच करोड रुपैयाँको लागतमा सञ्चालनमा आएको ग्रिनभ्याली टी प्रालिले दैनिक सात क्विन्टलसम्म हरियो चियाको पात प्रशोधन गर्न सकिने अध्यक्ष विपीन बस्नेतले जानकारी दिए ।
सो उद्योगका लागि इलाम नगरपालिका–१ र देउमाई नगरपालिकाका विभिन्न क्षेत्रबाट चियाको पात संकलन गरिँदै आएको छ ।
हाल सुरुको चरण भएकाले एक प्रकारको मात्र चिया प्रशोधन गरिरहेका छौँ , सञ्चालक गौरव तिम्सिनाले भने, आगामी दिनमा अन्य प्रकारका चिया उत्पादन गर्छाैं । इलाममा साना ठूला गरी एक सयभन्दा बढी चिया उद्योग सञ्चालनमा छन् ।
प्रकाशित मिति: शनिबार, जेठ १८, २०७६
-1732776560.jpg)
