काठमाडौं : नेपालका लागि बजाज मोटरसाइकलको आधिकारिक वितरक हन्सराज हुलासचन्द एन्ड कम्पनी प्रा.लि.ले मोरङको विराटचोकमा पूर्ण सुविधासहितको नयाँ शोरुम सञ्चालनमा ल्याएको छ ।
मोरङ लगायत पूर्वका ग्राहकहरुलाई गुणस्तरीय सेवा प्रदान गर्ने उद्देश्यले एचएच बजाजले आफ्नो सञ्जाल बढाउँदै विराटचोकमा नयाँ शोरुम ‘मनकामना अटोमोबाइलस’ सञ्चालन गरेको हो ।
नयाँ शोरुमले ग्राहकहरुलाई बाइकको स्पेयर पार्टस्, सेल्स्, सेवा तथा एसेसरिज खरिदका लागि सहज बनाउने छ । यसैको माध्यमबाट एचएच बजाजले देशभर आफ्नो बिक्रीलाई थप सशक्त बनाउन सहयोग पुग्नेछ ।
एचएच बजाजले देशभरका ग्राहकहरुलाई थप सुविधा सहित गुणस्तरीय तथा छिटो सुविधा पुर्याउने प्रयास गरिरहेको छ ।
नयाँ शोरुम शुभारम्भ गर्दै एचएच बजाजका जेनेरल म्यानेजर योगेन गुरुङले भने, ‘हामी मोरङको विराटचोकमा नयाँ शोरुम सञ्चालन भएको घोषणा गर्दा अत्यन्तै खुसी छौं । ग्राहकहरुको बढ्दो मागकै कारण हामीलाई शोरुम विस्तार गर्न उत्साहित बनाएको हो ।’
प्रकाशित मिति: शुक्रबार, जेठ १७, २०७६
-1732776560.jpg)
